Léirmheas le Fiachra Éilgeach Ní’l ann acht cúpla bliadhain óchoin ó bhí ana-chur-is-cúiteamh sa dútha so i dtaobh gan Gaedhilg do bheith againn ar scéaltaibh de leithéid “Finnscéalta na hAraibe” is “Robinson Crúsó”. I n-ionad a chéile is eadh dhéintar na caisleáin: tagann gach nidh le foidhne; tá cuid de Fhinnscéaltaibh na hAraibe i nGaedhilg le tamall ó láimh Dhiarmuda Uí Fhoghludha, agus seo againn fé láthair trí céad trí leathanacha is trí fichid de Eachtra Robinson Crúsó ó n-ár seana-chara “Seandún”, darab comhainm Tadhg Ó Murchadha. Dhá chéad bliadhain…